Oplus_131072

ತುಳಸಿ ವಿವಾಹ (ಕವಿತೆ)

ರಾಕ್ಷಸ ಜಲಂಧರನ ಪತ್ನಿ ತುಳಸಿ
ನಿನ್ನಯ ಭಕ್ತಿ ಪತಿಯನು ಉಳಿಸಿ
ಇಂದ್ರಾದಿ ದೇವತೆಗಳ ನಿದ್ರೆಗೆಡಿಸಿ
ಬರುವಂತಾಯಿತು ವಿಷ್ಣು ಗಡಬಡಿಸಿ

ಪತಿಯ ವೇಶದಲ್ಲಿ ವಿಷ್ಣುವ ನೋಡಿ
ಪೂಜೆಯ ಬಿಟ್ಟು ಬಂದೆ ನೀನೋಡಿ
ಯೋಗ ಕ್ಷೇಮ ಉಪಚಾರವ ನೀಡಿ
ಅರಿಯದೆ ದೇವನ ಸಹವಾಸ ಮಾಡಿ

ನೀ ಮೈ ಮರೆದಾಗ ಜಲಂಧರನ ಸಾವು
ನಿಜವರಿತು ವಿಷ್ಣುವಿಗೆ ಶಾಪದ ಕಾವು
ಹರನಾದನು ವಿಷ್ಣು ಸಾಲಿಗ್ರಾಮದ ಶಿಲೆ
ಗಂಡಕಿಯಾಗಿ ಹರಿದ ನೀ ಪಾವನ ಸಲಿಲೆ

ನಿನ್ನ ಭಕ್ತಿಯ ಲೋಕ ಕೊಂಡಾಡಿದೆ
ಮನೆ ಮನೆಗಳಲ್ಲಿ ನಿನ್ನ ಪೂಜಿಸಿದೆ
ನೀನಿರುವ ಪ್ರತಿ ಮನೆಯು ಬೃಂದಾವನ
ತುಳಸಿ ವಿವಾಹಗೈದರೆ ಜೀವನವೇ ಪಾವನ

ವೀಣಾ ಹೇಮಂತ್ ಗೌಡ ಪಾಟೀಲ್ ಮುಂಡರಗಿ ಗದಗ್.