ನಾವೇ ಸಂಪತ್ತು
ಬನ್ನಿರೆಲ್ಲರು ನಲಿಯುತ ಆಡುವ ಬಗೆಬಗೆ ತೆರದ ಆಟಗಳು
ಕೂಡಿ ಆಡುತ ಹಂಚಿ ತಿನ್ನುತ ಅರಳಿಸುವ ಮನದ ಭಾವಗಳು
ಸ್ನೇಹ ಬೀರುತ ಜ್ಞಾನ ಹರಡುತ ಕಲಿಯುವ ನಾವು ಜೊತೆಯಲ್ಲಿ
ಸಹೋದರ ಭಾವದ ಕಂಪು ಪಸರಿಸುವ ನಾವುಗಳು ನಿತ್ಯದಲಿ
ಭಾರತ ದೇಶವೆ ನಂದನವನ ನಾವಿದರ ಕುಸುಮಗಳು
ಭವ್ಯ ಭಾರತದ ಕನಸು ಕಾಣುವ ನಾವೇ ನಾಳಿನ ಪ್ರಜೆಗಳು
ಪರಿಸರ ಜಾಗೃತಿ ಮೂಡಿಸಿ ನಾವು ನೆಲಜಲವನ್ನು ಕಾಯೋಣ
ಭೂಮಂಡಲದ ಹಸಿರು ಹೆಚ್ಚಿಸಿ ಶುದ್ಧ ಗಾಳಿಯನು ಪಡೆಯೋಣ
ಮುದ್ದಿನ ಮಕ್ಕಳು ನಿಮ್ಮಯ ಕುಡಿಗಳು ಚಿತ್ತವಿರಲಿ ಹೊತ್ಹೊತ್ತು
ನಮ್ಮ ಏಳಿಗೆಗೆ ಶ್ರಮಿಸುತಿರಿ ನಾವುಗಳೇ ನಿಮ್ಮಯ ಸಂಪತ್ತು.
– ಮಾಣಿಕ ನೇಳಗಿ ತಾಳಮಡಗಿ.