ಡಿಸೆಂಬರ್ 5 ವಿಶ್ವ ಮಣ್ಣಿನ ದಿನಾಚರಣೆ.
– ಸಂಗಮೇಶ ಎನ್ ಜವಾದಿ ಚಿಟಗುಪ್ಪ.
ಈ ಸೃಷ್ಟಿ ಕೋಟ್ಯಂತರ ಜೀವಿಗಳಿಗೆ ಜೀವನ ಆಸರೆಯಾಗಿದೆ. ಈ ಒಂದು ಆಸರೆಯಲ್ಲಿ ನಮ್ಮ ಭೂಮಿಯ ಮಣ್ಣು ಸಹ ಒಂದಾಗಿದೆ.
ಮಣ್ಣು ಕೋಟ್ಯಂತರ ಜನರಿಗೆ ಜೀವನಕ್ಕೆ ಆಸರೆಯಾಗಿರುವ ಶ್ರೇಷ್ಠ ಫಲವತ್ತತೆಯ ಜೀವಕಳೆ.
ಮಣ್ಣು ಒಂದು ನೈಸರ್ಗಿಕ ಸಂಪನ್ಮೂಲವಾಗಿ, ವಿಶ್ವದ
ರೈತರ ಜೀವನಕ್ಕೆ ಸಂಜೀವಿನಿಯಾಗಿ ಬದುಕನ್ನು ಕಟ್ಟಿ ಕೊಟ್ಟಿದೆ.
ಡಿಸೆಂಬರ್ 5 ಈ ಭೂಮಿಯ ಮಣ್ಣು ಮಾನವರಿಗೆ ಅಸ್ತಿತ್ವ ಮತ್ತು ಮಹತ್ವವನ್ನು ತಿಳಿಸುವ ದಿನವಾಗಿದೆ ಎಂದೇ ಹೇಳಬಹುದು.ಮಣ್ಣಿನ ಫಲವತ್ತತೆ ಮಣ್ಣಿನ ಜೀವನಾಂಶ, ಮಣ್ಣಿನ ಸವಕಳಿ ಜೀವಂತವಾಗಿ ಇರಿಸುವದು ಪ್ರತಿಯೊಬ್ಬರ ಆದ್ಯ ಕರ್ತವ್ಯವಾಗಿದೆ.
ಈ ನಿಟ್ಟಿನಲ್ಲಿ ಮಣ್ಣಿನ ರಚನೆ ಮತ್ತು ಮಣ್ಣಿನ ಉಳುಮೆ ಮಾಡುವುದು ಕೃಷಿಯಲ್ಲಿ ಮಣ್ಣು ಜೀವಂತವಾಗಿರುವುದು ಅವಶ್ಯಕತೆ ಇದೆ. ಹಾಗೆಯೇ
ಮಣ್ಣಿನ ಆರೋಗ್ಯ, ಮಣ್ಣಿನ ಜೀವಿಗಳು ಮತ್ತು ಜೀವಂತ ಮಣ್ಣಿನ ಆಹಾರ ವಿಧಾನಗಳು ಅನುಸರಿಸಿಕೊಂಡು ಹೋಗಲೇಬೇಕಾಗಿದೆ.
ಅಂದಹಾಗೆ ಮಣ್ಣು ಸಜೀವ ಮತ್ತು ಮಣ್ಣಿನಲ್ಲಿ ಬದುಕಿರುವ ಜೀವಿಗಳಿವೆ. ಸಜೀವ ಮಣ್ಣಿನ ವಯಸ್ಸು ಸುಮಾರು ಅಂದಾಜು 460 ಕೋಟಿ ವರ್ಷಗಳು. ಮಣ್ಣಿನ ಮೇಲೆ ಮತ್ತು ಕೆಳಗೆ ಕೋಟ್ಯಾಂತರ ಜೀವಿಗಳು ವಾಸಿಸುತ್ತಿವೆ. ಭೂಮಿಯ ಜೀವಸಂಕುಲಗಳ ಅಳಿವು ಉಳಿವು ಮಣ್ಣಿನ ಸೂಕ್ಷ್ಮಾಣು ಜೀವಿಗಳನ್ನು ಅವಲಂಬಿಸಿದೆ. ಸಜೀವ ಮಣ್ಣಿನಲ್ಲಿ ಕೋಟಿಗಟ್ಟಲೆ ಸೂಕ್ಷ್ಮಾಣು ಜೀವಿಗಳು ಸಾವಯವ ವಸ್ತುವಿನ ಬೆಂಬಲದೊಂದಿಗೆ ಹುಟ್ಟಿ ಬೆಳೆದು ವೃದ್ಧಿಸಿ ಸಾಯುತ್ತಿರುತ್ತವೆ.ಮಣ್ಣಿನ ಆರೋಗ್ಯ ಕಾಪಾಡುವುದು ಇಂದಿನ ದಿನಗಳಲ್ಲಿ ಬಹಳಷ್ಟು ಅಗತ್ಯತೆ ಹೆಚ್ಚಾಗಿದೆ.
ಮಣ್ಣಿನ ಜೀವ ಚೈತನ್ಯ –
ಜೀವಂತ ಮಣ್ಣು ಕೆಲವು ಬಾರಿ ಸಂಕಟಕ್ಕೊಳಗಾಗಬಹುದು. ಪ್ರಾಣಿ, ಪಕ್ಷಿ, ಸಸ್ಯಗಳಿಗೆ ಹೇಗೆ ಸೌಖ್ಯ ತಪ್ಪುವದೋ ಹಾಗೆ ಸಜೀವ ಮಣ್ಣಿಗೂ ಆರೋಗ್ಯ ಕೆಡುವದು, ಉಸಿರಾಟ ನಿಲ್ಲುವದು. ಆಗ ಅಂತಹ ಮಣ್ಣು ಆರೋಗ್ಯಕರ ಸಸ್ಯಗಳಿಗೆ ಆಧಾರವಾಗಲಾರದು. ಮಣ್ಣಿನ ಮೇಲ್ಪದರದಲ್ಲಿ ಬರೀ ಕಣ್ಣಿಗೆ ಕಾಣದ, ಸೂಕ್ಷ್ಮದರ್ಶಕದಿಂದಲೇ ಕಾಣುವಂತ ಬ್ಯಾಕ್ಟಿರಿಯಾ, ಫಂಗಸ್, ಆಲ್ಗೆ, ಮೈಕೋರೆಜಾ, ಪ್ರೋಟೋಜೋವಾ ಮುಂತಾದ ಸೂಕ್ಷ್ಮಜೀವಿಗಳು ಹೆಚ್ಚಾಗಿ ಇರುತ್ತವೆ. ಆಳಕ್ಕೆ ಹೋದಂತೆ ಅವುಗಳ ಸಂಖ್ಯೆ ಕಡಿಮೆಯಾಗುತ್ತದೆ. ಮಣ್ಣುಜೀವಿಗಳ ಪರಸ್ಪರ ಅವಲಂಬನೆ, ಸಹಕಾರಿ ಜೀವನ ಮತ್ತು ಸಾವಯವ ವಸ್ತುಗಳನ್ನು ಕರಗಿಸುವ ವಿಧಾನ ಮಣ್ಣಿನ ಫಲವತ್ತತೆಯನ್ನು ಕಾಪಾಡಲು ಬಹುಮುಖ್ಯ. ಉತ್ತಮವಾಗಿ ಕೊಳೆತ ಕಾಂಪೋಸ್ಟ್ ನ ಹ್ಯೂಮಸ್ ನಲ್ಲಿ ರೋಗ ತರುವ ಉಪದ್ರಕಾರಿ ಜೀವಿಗಳನ್ನು ಮಣ್ಣಿನಲ್ಲಿ ಶಮನ ಮಾಡುವ ಶಕ್ತಿಯಿರುತ್ತದೆ.
ಸಾವಯವ ಅಂಶವನ್ನು ನಂಬಿಬಾಳುವ ಇವೆಲ್ಲಾ ಸಸ್ಯಗಳ ಬೆಳವಣಿಗೆಗೆ ವಿವಿಧ ರೀತಿಯಲ್ಲಿ ಸಹಕಾರಿ. ಸಾವಯವ ಗೊಬ್ಬರ ಸಸ್ಯಗಳಿಗೆ ಬೇಕಾದ ಎಲ್ಲಾ ಪೋಷಕಾಂಶಗಳನ್ನು ಅಲ್ಪ ಪ್ರಮಾಣದಲ್ಲಿ ಒದಗಿಸುವದರ ಜೊತೆಗೆ ಮಣ್ಣಿನಲ್ಲಿರುವ ಉಪಕಾರಿ ಜೀವಿಗಳನ್ನು ವೃದ್ಧಿಸಿ, ಅಪಕಾರಿ ಜೀವಿಗಳನ್ನು ದಮನ ಮಾಡುತ್ತದೆ. ಒಟ್ಟಿನಲ್ಲಿ ಮಣ್ಣಿನ ಈ ಜೀವ ಚೈತನ್ಯ, ಮಣ್ಣಿನಲ್ಲಿರುವ ಜೀವಂತ ಬೇರುಗಳು, ಸೂಕ್ಷ್ಮಾಣು ಜೀವಿಗಳು ಮತ್ತು ಕೊಳೆಯುತ್ತಿರುವ ಮತ್ತು ಸಂಪೂರ್ಣ ಕೊಳೆತ ಸಾವಯವ ಹ್ಯೂಮಸ್ ಅಂಶ ಮಣ್ಣಿನ ಆರೋಗ್ಯದ ಸಮತೋಲನವನ್ನು ಕಾಪಾಡುತ್ತವೆ. ಮಣ್ಣಿನಲ್ಲಿ ಶೇಕಡಾ 2-15ರಷ್ಟು ಸಾವಯವ ತ್ಯಾಜ್ಯಗಳನ್ನು ಸೇರಿಸುವುದರಿಂದ ಸಾವಯವ ಅಂಶವೂ ಹೆಚ್ಚಾಗಿ ಫಲವತ್ತತೆಯನ್ನು ಹೆಚ್ಚಿಸುತ್ತದೆ.
ಮಣ್ಣಿನ ರಚನೆಯ ಕ್ರಿಯೆಯು ತುಂಬಾ ನಿಧಾನವಾಗಿದ್ದು ಮಣ್ಣನ್ನು ನವೀಕರಿಸಲಾಗದ ಸಂಪನ್ಮೂಲವೆಂದು ಪರಿಗಣಿಸಲಾಗುತ್ತದೆ. ಭೂಮಿಯ ಮೇಲ್ಮೈಯ ಮೇಲಿನ ಪದರವಾಗಿದ್ದು, ಸಸ್ಯಗಳು ಬೆಳೆಯುವ ಸಾವಯವ ಅವಶೇಷಗಳು, ಜೇಡಿಮಣ್ಣು ಮತ್ತು ಕಲ್ಲಿನ ವಸ್ತುಗಳ ಮಿಶ್ರಣದಿಂದ ಕೂಡಿದೆ. ಇದು ಸಸ್ಯ ಜೀವನ ಮತ್ತು ಬೆಳವಣಿಗೆಯನ್ನು ಬೆಂಬಲಿಸುತ್ತದೆ. ಹವಾಮಾನ ಮತ್ತು ಸವೆತವನ್ನು ಒಳಗೊಂಡಿರುವ ಹಲವಾರು ಭೌತಿಕ, ರಾಸಾಯನಿಕ ಮತ್ತು ಜೈವಿಕ ಪ್ರಕ್ರಿಯೆಗಳಿಂದ ಇದು ನಿರಂತರವಾಗಿ ಅಭಿವೃದ್ಧಿಗೆ ಒಳಗಾಗುತ್ತದೆ. ಭೂಮಿಯ ಹೊರಪದರದ ಮೇಲಿನ ಪದರವು ಮಣ್ಣಿನಿಂದ ಮಾಡಲ್ಪಟ್ಟಿದೆ. ವಿವಿಧ ಭೌತಿಕ, ರಾಸಾಯನಿಕ ಮತ್ತು ಜೈವಿಕ ಪ್ರಕ್ರಿಯೆಗಳಿಂದ ದೀರ್ಘಕಾಲದವರೆಗೆ ಬಂಡೆಗಳ ವಿಭಜನೆಯಿಂದ ಇದು ರೂಪುಗೊಳ್ಳುತ್ತದೆ. ಹೀಗೆ ಪಡೆದ ಸೂಕ್ಷ್ಮ ಕಣಗಳನ್ನು ಮಣ್ಣು ಎಂದು ಕರೆಯಲಾಗುತ್ತದೆ. ಮಣ್ಣು ಮುಖ್ಯವಾಗಿ ಗಾಳಿ, ನೀರು, ಹ್ಯೂಮಸ್, ಸೂಕ್ಷ್ಮಜೀವಿಗಳು ಮತ್ತು ಖನಿಜಗಳಿಂದ ಕೂಡಿದೆ. ಇವುಗಳು ಮಣ್ಣಿನ ಗುಣಮಟ್ಟ ಮತ್ತು ಫಲವತ್ತತೆಯನ್ನು ಹೆಚ್ಚಿಸುತ್ತವೆ ಮತ್ತು ಆ ಮೂಲಕ ಸಸ್ಯಗಳಿಗೆ ಪೋಷಣೆಯನ್ನು ಒದಗಿಸುತ್ತವೆ. ಮಣ್ಣಿನ ರಚನೆಯನ್ನು ಮರಳು, ಹೂಳು ಮತ್ತು ಜೇಡಿಮಣ್ಣಿನ ಪ್ರತ್ಯೇಕ ಕಣಗಳನ್ನು ಒಟ್ಟಿಗೆ ಜೋಡಿಸುವ ರೀತಿಯಲ್ಲಿ.
ಮಣ್ಣು ರೂಪಿಸುವ ಖನಿಜಗಳು. ಈ
ಖನಿಜಗಳು ಮಣ್ಣಿನ ಒಟ್ಟು ಘಟಕಗಳಲ್ಲಿ 40 ರಿಂದ 45% ರಷ್ಟು ಒಳಗೊಂಡಿರುತ್ತವೆ. ಸಾಮಾನ್ಯ ಖನಿಜಗಳಲ್ಲಿ ಸೋಡಿಯಂ, ಪೊಟ್ಯಾಸಿಯಮ್ ಮತ್ತು ಸಾರಜನಕ ಸೇರಿವೆ. ಮಣ್ಣಿನಲ್ಲಿರುವ ಇತರ ಪ್ರಮುಖ ಖನಿಜಗಳಾಗಿವೆ.
ಮಣ್ಣಿನ ಪ್ರಮುಖ ಖನಿಜಗಳು –
ಹೆಮಟೈಟ್- ಕೆಂಪು ಬಣ್ಣದಿಂದ ಕಪ್ಪು-ಕೆಂಪು ಬಣ್ಣ. ಹೈಡ್ರೀಕರಿಸಿದ ಐರನ್ ಆಕ್ಸೈಡ್ ಅನ್ನು ರೂಪಿಸಲು ನೀರನ್ನು ಹೀರಿಕೊಳ್ಳುವ ಮೇಲೆ ಊದಿಕೊಳ್ಳುತ್ತದೆ.
ಲಿಮೋನೈಟ್- ಹೈಡ್ರೀಕರಿಸಿದ ಫೆರಿಕ್ ಆಕ್ಸೈಡ್, ಹಳದಿ ಬಣ್ಣದಿಂದ ಕಂದು ಬಣ್ಣ. ಮಣ್ಣಿನಲ್ಲಿ ಬಣ್ಣ ಮತ್ತು ಸಿಮೆಂಟಿಂಗ್ ಏಜೆಂಟ್ಗಳಿಗೆ ಮುಖ್ಯವಾಗಿದೆ.
ಗೊಥೈಟ್- ಕೆಲವು ಹೀರಿಕೊಳ್ಳುವ ನೀರಿನೊಂದಿಗೆ ಲಿಮೋನೈಟ್ ಗೋಥೈಟ್.
ಗಿಬ್ಸೈಟ್- ಇದು ಮಣ್ಣಿನಲ್ಲಿ ಕಂಡುಬರುವ ಸಾಮಾನ್ಯ ಅಲ್ಯೂಮಿನಿಯಂ ಸಂಯುಕ್ತವಾಗಿದೆ. ಹೆಚ್ಚು ಹವಾಮಾನವಿರುವ ಮಣ್ಣಿನಲ್ಲಿ ಕಂಡುಬರುತ್ತದೆ.
ಕಾರ್ಬೊನೇಟ್ ಗುಂಪು – ಮೆಗ್ನೀಸಿಯಮ್ ಹೈಡ್ರಾಕ್ಸೈಡ್ ಮತ್ತು ಕ್ಯಾಲ್ಸಿಯಂ ಹೈಡ್ರಾಕ್ಸೈಡ್ ಕಾರ್ಬನ್ ಡೈಆಕ್ಸೈಡ್ನೊಂದಿಗೆ ಸೇರಿ ಕಾರ್ಬೋನೇಟ್ಗಳನ್ನು ರೂಪಿಸುತ್ತವೆ.
ಕ್ಯಾಲ್ಸೈಟ್- ಬಿಳಿ ಅಥವಾ ಬಣ್ಣರಹಿತ, ಕ್ಯಾಲ್ಸಿಯಂ ಕಾರ್ಬೋನೇಟ್ ಅನ್ನು ಒಳಗೊಂಡಿರುವ ಸಂಚಿತ ಬಂಡೆಗಳ ಪ್ರಮುಖ ಅಂಶವಾಗಿದೆ.
ಡೊಲೊಮೈಟ್ – ಮಣ್ಣಿನಲ್ಲಿ ಮೆಗ್ನೀಸಿಯಮ್ನ ಮುಖ್ಯ ಮೂಲ.
ಸೈಡೆರೈಟ್- ನೀರು ತುಂಬಿದ ಮಣ್ಣಿನಲ್ಲಿ ಕಂಡುಬರುವ ಪ್ರಮುಖ ಖನಿಜ. ಇತರ ಕಬ್ಬಿಣವನ್ನು ಹೊಂದಿರುವ ಖನಿಜಗಳ ಬದಲಾವಣೆಯಿಂದ ಉತ್ಪತ್ತಿಯಾಗುತ್ತದೆ.
ಸಲ್ಫೇಟ್ ಗುಂಪು – ಸಲ್ಫರ್ ಮತ್ತು ಆಮ್ಲಜನಕ ಅಯಾನುಗಳ ಸಂಯೋಜನೆಯಿಂದ ರೂಪುಗೊಂಡಿದೆ. ಇದು ಕ್ಯಾಲ್ಸಿಯಂ ಅಯಾನುಗಳೊಂದಿಗೆ ಪ್ರತಿಕ್ರಿಯಿಸಿ ಕ್ಯಾಲ್ಸಿಯಂ ಸಲ್ಫೇಟ್ ಅನ್ನು ರೂಪಿಸುತ್ತದೆ.
ಜಿಪ್ಸಮ್ – ಸೆಡಿಮೆಂಟರಿ ಬಂಡೆಗಳು ಮತ್ತು ಮರುಭೂಮಿ ಮಣ್ಣಿನಲ್ಲಿ ಕಂಡುಬರುತ್ತದೆ. ಇದು ನೀರಿನಲ್ಲಿ ಕರಗಬಲ್ಲದು ಮತ್ತು ಸುಲಭವಾಗಿ ಸೋರಿಕೆಯಾಗುತ್ತದೆ.
ಈ ಖನಿಜಗಳು ಸಸ್ಯಗಳ ಬೆಳವಣಿಗೆಗೆ ಸಹಾಯ ಮಾಡುತ್ತವೆ. ಸಸ್ಯಗಳು ಈ ಖನಿಜಗಳನ್ನು ಮಣ್ಣಿನಿಂದ ಬೇರುಗಳ ಮೂಲಕ ಹೀರಿಕೊಳ್ಳುತ್ತವೆ. ನೈಟ್ರೇಟ್, ಮತ್ತೊಂದು ಪ್ರಮುಖ ಖನಿಜ ಸಂಪನ್ಮೂಲವು ಅಮೈನೋ ಆಮ್ಲಗಳಲ್ಲಿ ಸಮೃದ್ಧವಾಗಿದೆ, ಆದರೆ ಮೆಗ್ನೀಸಿಯಮ್ ದ್ಯುತಿಸಂಶ್ಲೇಷಣೆಗೆ ಅಗತ್ಯವಾದ ಕ್ಲೋರೊಫಿಲ್ ಉತ್ಪಾದನೆಯಲ್ಲಿ ಸಹಾಯ ಮಾಡುತ್ತದೆ.
ಹೀಗೆ ಮಣ್ಣಿನ ಖನಿಜಗಳು ಮಾನವನಿಗೆ ಸಹಜವಾಗಿಯೇ ಸಹಕಾರಿಯಾಗುತ್ತವೆ.
ಮಣ್ಣಿನ ಸಂರಕ್ಷಣೆ – ಮಣ್ಣಿನ ಸವೆತದಿಂದ, ಮಣ್ಣಿನ ಮೇಲಿನ ಪದರದ ನಷ್ಟವನ್ನು ತಡೆಗಟ್ಟುವ ಪ್ರಕ್ರಿಯೆ ಅಥವಾ ಅತಿಯಾದ ಬಳಕೆ, ಆಮ್ಲೀಕರಣ, ಲವಣಾಂಶ ಅಥವಾ ಇತರ ರಾಸಾಯನಿಕ ಪ್ರಯೋಗಗಳಿಂದ ಮಣ್ಣಿನ ಮಾಲಿನ್ಯ ಉಂಟಾಗಿ , ಮಣ್ಣಿನ ಫಲವತ್ತತೆಯನ್ನು ಕಡಿಮೆ ಮಾಡುತ್ತದೆ. ಕಾರಣ ಇವುಗಳನ್ನು ತಡೆಗಟ್ಟುವ ಮೂಲಕ ಮಣ್ಣನ್ನು ಸಂರಕ್ಷಿಸಿ , ಮಣ್ಣಿನ ಫಲವತ್ತತೆಯನ್ನು ಕಾಪಾಡಬಹುದು.
ಕೊನೆಯ ಮಾತು – ಮಣ್ಣು ಇದ್ದರೆ ಮಾತ್ರ ರೈತನ ಬದುಕು ಹಸನಾಗುತ್ತದೆ. ಒಂದು ವೇಳೆ ಮಣ್ಣು ಹದಗೆಟ್ಟು ಹೋದರೆ ರೈತನ ಬದುಕು ಸ್ಮಶಾನವಾಗುತ್ತದೆ. ಅದಕ್ಕಾಗಿಯೇ ಮಣ್ಣಿನ ಸಂರಕ್ಷಣೆಗೆ ಹೆಚ್ಚು ಒತ್ತು ನೀಡಬೇಕು. ರಾಸಾಯನಿಕ ಮುಕ್ತ ಮಣ್ಣಿಗಾಗಿ ಹೋರಾಟ ಮಾಡಬೇಕು.
ಮಣ್ಣಿನ ಫಲವತ್ತತೆಗಾಗಿ ಸಾವಯವ ಗೊಬ್ಬರ ಬಳಸಬೇಕು. ಪ್ಲಾಸ್ಟಿಕ್ ಹಾಗೂ ಪಟಾಕಿಗಳು
ನಿಷೇಧ ಮಾಡಬೇಕು. ಮರಗಳು ಹೆಚ್ಚಾಗಿ ಬೆಳೆಸಬೇಕು.
ಮಣ್ಣಿನ ಸಂರಕ್ಷಣೆಗಾಗಿ ಟೊಂಕಕಟ್ಟಿಕೊಂಡು ಸರ್ವರೂ ದುಡಿಯಬೇಕು. ಅಂದಾಗಲೇ ನಾವು ಈ ಭೂಮಿ ಮೇಲೆ ಬದುಕಲು ಸಾಧ್ಯವಾಗುತ್ತದೆ.
– ಸಂಗಮೇಶ ಎನ್ ಜವಾದಿ
ಬರಹಗಾರರು, ಚಿಂತಕರು, ಹೋರಾಟಗಾರರು.
ಚಿಟಗುಪ್ಪ.ಜಿ.ಬೀದರ
