ರೈತ
ರೈತ
ರೈತ ರೈತ ರೈತ ನೀನು
ದೈವ ಕಾಣಣ್ಣ
ಅನ್ನ ಬೆಳೆದು ದೇಶ ಕಾಯುವ
ದೇವರು ನೀನಣ್ಣ
ನೇಗಿಲೇ ನಿನ್ನ ಶಕ್ತಿಯಣ್ಣ
ಎತ್ತುಗಳೆರಡು ಗೆಳೆಯರಣ್ಣ
ರಟ್ಟೆಯ ಕಸುವನೇ ನಂಬಿ ನೀನು
ಮಣ್ಣಲಿ ಬೆವರನು ಬಸಿಯುವೆಯಣ್ಣ
ಮಳೆಗಾಳಿ ಚಳಿಗೆ ನಡುಗದೇ ನೀನು
ವರುಷ ಪೂರ್ತಿ ದುಡಿಯುವೆಯಣ್ಣ
ಆ ರಜೆ ಈ ರಜೆ ಎಲ್ಲವ ಮರೆತು
ದುಡಿತದಿ ದೇವರ ಕಾಣುವೆಯಣ್ಣ
ನಿನ್ನಯ ಸಾವು ತರುವುದು ನೋವು
ಉರುಳಿಗೆ ಕೊರಳ ಕೊಡಬೇಡಣ್ಣ
ಸಾಲದ ಬಾಧೆ ಇರುವುದೇ ಎಂದಿಗೂ
ನಾಳೆಗಾದರೂ ತೀರುವುದಣ್ಣ
ಸಾವಿನ ಬಾಯಿಗೆ ಸಿಗಲೇಬೇಡ
ನಿನ್ನನು ನಂಬಿ ಜಗವಿಹುದಣ್ಣ
ನಿನ್ನಯ ಬೆವರಿನ ಫಲವಿದೆ ಜಗಕೆ
ಅನ್ನದ ಧಣಿಯು ನೀನೆಮಗಣ್ಣ
– ಸುರೇಶ ಕಲಾಪ್ರಿಯ
