ಕೈ ಕೈ ಎಲ್ಲಿ ಹೋದವು
ಎಲ್ಲಿ ಹೋದವು ಆ ಕೈಗಳು
ಹೊಳಪಿನ ಕಣ್ಗಳು
ಕಚಗುಳಿ ಇಡುವ ಆ ಬೆರಳುಗಳು/
ಕೆಟ್ಟ ಕೆಸರಲ್ಲಿ ಆಡಿದ ಆಟ
ಎಮ್ಮೆ ಬಾಲ ಹಿಡಿದು ಓಡಿದ ಓಟ
ಕೈ ಕೈ ಹಿಡಿದು ನಲಿದಾಡಿಡ ನವಿಲಿನಾಟ//
ಅವರ್ನ ಬಿಟ್ಟು ಇವರ್ಯಾರು
ಹೆಸರು ಹೇಳುವ ಕೌತುಕ
ಈಗ ಬರೀ ಸೂತಕ/
ಹತ್ತಿ ಕಟಗಿ ಬತ್ತಿ ಕಟಗಿ ಪದ
ಕಂಠಪಾಠ ಮರೆತು ಹೋಯ್ತು//
ಸಗಣೆ ಸಾರಿಸಿ ಬಿಟ್ಟ ರಂಗೋಲಿ ಗೋಲಿ ಆಡುತ ಅಳುಕಿಸಿ
ರಂಗೋಲಿ ಬರೆದವಳೊಂದಿಗೆ ವಾದಿಸಿದ ಮಾತು ಮೌನವಾಗಿದೆಯಿಂದು//
ಬಾರ ಕೋಲು ಬಿಗಿ ಬಿಗಿ
ಎಣ್ಣೇ ಹೋಳಿಗೆ ಕರಿ ಕರಿ
ಜಿಲೇಬಿ ಜಿಬಿ ಜಿಬಿ
ಬೆಂಡಿಕಾಯಿ ಲೊಳೆ ಲೊಳೆ//
ಯಾವ ಕವಿಯ ಪದ್ಯ
ಹೃದಯ ಮಾತ್ರ ಹೃದ್ಯ
ಬಾಯಲ್ಲೇ ರಾಮಾಯಣ
ಆಡಿದ್ದೇ ಮಹಾಭಾರತ/
ಯಾವ ಕುಲ ಉಚ್ಚ ನೀಚ
ಕುಲವಿಲ್ಲದ ಮನುಜ ಪಥ
ಬಾಲ್ಯದ ಬಾಲಕೆ ಅವನೇ ಹನುಮಂತ
ಆದರ್ಶ ಕೆ ಆ ರಾಮ//
ಅರಮನೆಯಿಲ್ಲದ ರಾಮ
ಗುಡಿಸಲೇ ದ್ವಾರುಕ
ಬಾಲ ವಿಲ್ಲದ ಹನುಮರು
ಲಗ್ಗೆ ಇಟ್ಟರು ಮಾವಿನ ಮರದ ಲಂಕೆಗೆ //
ಹಾಡಿ ಆಡಿದ ಕೋಲಾಟ
ಅದುವೇ ಎಲ್ಲಕ್ಕಿಂತ ಮೇಲಾಟ
ಮೊದ ಮೊದಲೆ ಬಣ್ಣ ಹಚ್ಚಿದ ಬಯಲಾಟ
ಭೀಮ ಧುರ್ಯೋಧನ ರ ಕಾಳಗದಾಟ//
ಏನಿತ್ತೋ ಆಗ ನಾ ಕಾಣೆ
ಕಂಡದೆಲ್ಲವೂ ರಸಮಯ ರಸಗಳಿಗೆ
ಈಗೇನಿಲ್ಲ ವೈದ್ಯ ಬರೆದುಕೊಡುವ ಅರ್ಥವಾಗದ ಗುಳಿಗೆ//
ಕೊಟ್ರೇಶ ಜವಳಿ
ಹಿರೇವಡ್ಡಟ್ಟಿ. ಗದಗ
