ನಮ್ಮ ಧ್ರುವತಾರೆಗಳು
ಗಾಂಧಿ ಶಾಸ್ತ್ರಿ ನಾಯಕರಿವರು
ದೇಶಕ್ಕಾಗಿ ದುಡಿದವರು
ಜೀವದ ಹಂಗನು ತೊರೆದು
ಪ್ರಾಣವೇ ಪಣಕಿಟ್ಟವರು
ಹಗಲಿರುಳೆನ್ನದೆ ಸಮರ ಗೈದರು
ನಾಡಿನ ಜನರ ಹಿತ ಬಯಸಿ
ಸವಿಯಲಿತ್ತರು ಗೆಲುವಿನ ಜೇನು
ದೇಶದ ಜನರಿಗೆ ಆದರಿಸಿ
ಅಹಿಂಸೆ ಐಕ್ಯತೆ ತತ್ವವ ಬೋಧಿಸಿ
ಅವರಾಗಿಹರು ಪ್ರೀತಿಯ ಬಂಧು
ಜೈ ಜವಾನ ಜೈ ಕಿಸಾನ ಘೋಷಣೆ
ಅವರ ಸಿದ್ಧಾಂತ ಎಂದೆಂದು
ಭಾರತಾಂಬೆಯ ನೆಚ್ಚಿನ ಕುವರರು
ಧ್ರುವ ತಾರೆಗಳು ಅನವರತ
ಜಾತಿ ಧರ್ಮದ ಕೊಂಡಿಯ ಕಳಚಿ
ಬೀರಿದರವರು ಮನುಜಮತ
ಮಹನೀಯರ ಮಾರ್ಗದಿ ನಡೆದರೆ
ದೇಶದ ಏಳಿಗೆಯಾಗುವುದು
ನುಡಿಗಳು ನಿಷ್ಠೆಯಲನುಸರಿಸಲು
ಅಮೃತವಲ್ಲಿ ದೊರಕುವುದು.
ಮಾಣಿಕ ನೇಳಗಿ ತಾಳಮಡಗಿ.
ಬೀದರ
