ಮನದ ಭಾರ ಇಳಿದಿದೆ.
ಏಕೋ ಏನೋ .. !
ಸ್ವಲ್ಪ ಭಾರ ಇಳಿದಂತಾಗಿದೆ.
ಹೇಗೋ ಏನೋ… !
ಇನ್ನೂ ಸ್ವಲ್ಪ ಭಾರ ಇಳಿಯುವಂತಾಗಿದೆ.
ನನ್ನ ಮಡುಗಟ್ಟಿದ ದುಃಖವೆಲ್ಲಾ ಮೋಡವಾದಂತಿದೆ .
ನನ್ನ ಹೆಪ್ಪುಗಟ್ಟಿದ ಕಣ್ಣೀರೆಲ್ಲ ಮೋಡದಲ್ಲಿ ಕೂತಂತಿದೆ.
ರಾತ್ರಿ ಯಾವುದೋ ! ಯಾಮದಲ್ಲಿ ಇವೆಲ್ಲವೂ ಮಳೆಯಾಗಿ ಸುರಿಯುವಂತಿದೆ.
ಸುರಿದೂ ಸುರಿದೂ ನನ್ನೀ ಮನವನ್ನು ಹಗುರಾಗಿಸುವಂತಿದೆ.
ಏಕೋ ಏನೋ .. !
ಸ್ವಲ್ಪ ಭಾರ ಇಳಿದಂತಾಗಿದೆ.
ಹೇಗೋ ಏನೋ…!
ಇನ್ನೂ ಸ್ವಲ್ಪ ಭಾರ ಇಳಿಯುವಂತಾಗಿದೆ.
ಕಣ್ಣ ಹನಿಯೊಂದಿಗೆ…!
ನಿನ್ನ ನೆನಪು ಬಂದಿದೆ.
ಸಣ್ಣ ದನಿಯೊಂದಿಗೆ….!
ನನ್ನ ಮನವ ಇರಿದಿದೆ.
ಎಂದೂ ಬರದ….!
ಎಂದೋ ಅಳಿದ ಆ ನೆನಪು….
ಎಲ್ಲೋ ಕುಳಿತ…. ಹೇಗೋ ! ಮರೆತ ಆ ನೆನಪು….
ಕಹಿ ನೀಡುವ….ಮನ ಕಾಡುವ…. ಆ ನೆನಪು….
ಅಳಲು ತೋಡುತ… ಆಳಲು ಬಂದಿದೆ ಆ ನೆನಪು.
ಕಣ್ಣ ಹನಿಯೊಂದಿಗೆ…!
ನಿನ್ನ ನೆನಪು ಬಂದಿದೆ.
ಸಣ್ಣ ದನಿಯೊಂದಿಗೆ….
ನನ್ನ ಮನವ ಇರಿದಿದೆ.
ಅನಿಲ್ ಕುಮಾರ್ ಎಂ ಎಸ್.
ಬೆಂಗಳೂರು.
